阿鵬早前在網上撰文細訴失業苦況，目的之一正是希望各界伸出援手，不少僱主閱報得悉其經歷後，沒視他為失敗者，更主動給他機會。
阿鵬積極即日回電
「我哋一定唔會玩佢，真係有誠意搵佢見工。」市場調查公司職員李小姐昨主動接觸本報，說希望約阿鵬見工，「我哋唔係特別同情佢，但我哋都經歷過畢業搵唔到工嘅日子，咁啱又要請人。最緊要係肯學，可以邊學邊做」。她又指社交能力差不是問題，「佢只係欠一個機會」。阿鵬昨已積極回電該公司相約見工。
髮型師梁先生昨也致電本報，說要找阿鵬當私人英文補習老師。「我學歷差，搵佢幫我補習，既幫到人又幫到自己。」阿鵬昨也致電梁，要求每小時 140元的補習費，並主動提出：「可以先試鐘，唔收錢住，畀番車錢就得」。
昨晚在商台節目《左右大局》中，不少熱心聽眾致電鼓勵阿鵬。聽眾蔡小姐說有一份包薪街頭問卷員工作提供，月薪 1.1萬元；另一份珠寶公司文員職位則月薪 7,000元。聽眾鄭太則謂其快餐店有意聘請阿鵬，但她坦言阿鵬是碩士，若有更理想工作隨時可轉工，「起碼好過長時間攞綜援」。
沒有留言:
張貼留言